25-نوفمبر-1922

رۆژی ٢٥ی تشرینی دووەمی ساڵی ١٩٢٢ لە شاری لۆزان لە سویسرا خولی یەکەمی کۆنگرەیەکی نێودەوڵەتی بەسترا بۆ دیاریکردنی چارەنوسی وڵاتانی ڕۆژھەڵاتی ناوەڕاست، بەشدارانی کۆنگرەکە بریتیبوون لە وڵاتانی ھاوپەیمان‌ و کەمالیستەکانی تورکیا، مەبەستیش واژووکردنی پەیمانێکی نوێ بوو لەبری پەیمانی سیڤر. لەوبارەیەوە سەرچاوە مێژووییەکان ئەڵێن مەسەلەی (نەوت) لەو کۆنگرەیەدا بوو بە کارتێکی گرنگ‌ و زەبرێکی گەورەی بە میللەتانی کورد و ئەرمەن ‌و یۆنان گەیاند بە تایبەت لە کێشەی ویلایەتی موسڵ دا کە ئینگلیز بۆ کۆنترۆڵکردنی ئەو ویلایەتە پڕ لە نەوتە ئامادەیی نیشاندا بڕگە گرنگەکانی پەیمانی سێڤر پێشێل بکات.